சம்பளம் கூடக் குறைய இருந்தாலும் மலையாளப் பட வாய்ப்புகள் வந்தால் மறுக்காமல் ஏற்றுக் கொள்கிறார்கள் சீனியர் நடிகைகள். காரணம், எப்போதும் பிஸியாக இருக்கலாம்... அதிர்ஷ்டமிருந்தால் அவார்டும் கிடைக்கலாம் அல்லவா!


தமிழில் இப்போதைக்கு ஓரிரு படங்களை மட்டுமே வைத்துள்ள லட்சுமி ராய்க்கு, மீண்டும் ஒரு மலையாள வாய்ப்பு. இந்த முறையும் மலையாளத்தின் முதல் நிலை நடிகர் மம்மூட்டிக்கு ஜோடியாக அவர் நடிக்கிறார். படத்தின் தலைப்பு ராஜாதி ராஜா.

இந்த செய்தியை உறுதி செய்த லட்சுமிராய், மலையாளத்தில் தாங்கள் இருவரும் அதிர்ஷ்ட ஜோடியாகக் கருதப்படுவதாக மகிழ்ச்சி தெரிவித்துள்ளார்.

கதைப்படி முதலில் மம்மூட்டியின் காதலியாகவும் பின்னர் மனைவியாகவும் வருகிறாராம் லட்சுமி ராய். சில காட்சிகளில் மம்முட்டியையே ஓரம்கட்டும் அளவுக்கு இவர் பாத்திரம் உள்ளதாம்.

தமிழில் இப்போது இரும்புக் குதிரை என்ற படத்தில் நடித்து வருகிறார் லட்சுமி ராய்.